refunartzjwame.nl
Ontwerp van humoristische
•Cartoons
•illustraties
•karikature
• autocartoons
•wenskaarte
•posters
•sjpandeuk
•logo design
•sjticker design
•diverse houte decoratie's
Wae is refunartzjwame.nl/kwats
Miene naam is René Geerlings.
same mit mien vrouw, dochter en zoon woone we in Zjwame.
ich kom oet ein creatieve famielie, mit houtbewerkers en sjiljers.
ich bin opgeleid es meubelmaker, mèr bin auch väöl werkzaam gewaes in koziene, deure en trappe bedrieve.
Ich bin in 2020 begonne mit teikene en sjiljere, dèt kwaam eigelik doordet ich veur de verjäördig van P Gubbels (CLGI drukwerk) ein sjilderie gemaakt haaj van Sjaak&Sef.
Nao väöl positieve reacties, haaje P Gubbels en ich besjlaote om Sjaak&Sef te gaon gebroeke veur CLGI drukwerk.
Van Sjaak&Sef zien inmiddels väöl teikeninge gemaakt en dèr is van alles gedrök op t-shirts/mokke/mondjkepkes en wenskaarte.
Handjgeteikende cartoons zien lestig te bewerke om es drökwerk te kinne gebroeke en daorom bin ich euvergesjtap op digitaal teikene.
Door dees omsjakeling waas ut veur mich auch mekkelikker om mich verder te ontwikkele es cartoonist/illustrator (refunartzjwame.nl).
Nao Sjaak&Sef höb ich nog meerdere karakters bedach zoals Ger&Gum/kwatsj kabouter/Wally/Zjwaamse vleeg/Zjwaams kuuke/Vats ut verke/Auw mök&Zjwaegel en nog van allerlei wazige karakters.
Veur vastelaoves vereniging de Erpelkes Zjwame, höb ich ut logo toet laeve gebrach en um laote sjtraol, Auch veur angere vereniginge/bedrieve en stichtinge maak ich logo’s evenemente posters en illustraties.
Mien creativiteit leent zich om Nuuje logo’s te maake veur vereniginge en bedrieve, mèr auch evenemente posters en sjpandeuk veur verjäördige of sjpeciale gelegehede.
t-shirts maake blief auch leuk, ich maak komische illustraties (Kwatsj) veur op t-shirts te drökke in diverse saorte steile.
Sinds kort bin ich weer begonne mit ut teikene van Sjaak&Sef en höb dao ein Facebook en instagram pagina veur aangemaakt, (Sjaak&Sef cartoons) dao plaats ich korte cartoons of gebeurtenisse oet Zjwame op.
Alles waat ich maak is humoristisch, ich haai dèr van om sjaele kwatsj te maake, want dèt serieuze is neet wae ich bin.
Decoratie
Al van kinjs of aan waas ich mit miene pap in de schuur aan ut knommele mit hout,
dit varieërde van ut maake van vogelhuuskes toet ut opknappe van caravans.
sinds dae tied haai ich de leevde Veur houtbewerking Ontdekt en höb ich ut nooit meer losgelaote.
.koziene & deure
.euverkappinge
.renovaties aan badkamers/keukes & houtreparaties
.verbouwe van pipowagen wage toet feesttent (la fleur/bar on wheels)
•wandjmeubels op maot
•tuintaofels/banke/kaste veur de aafvalbak
•raam luukskes
•decoratie voor binne en boete
•vogelhuuskes/voederhuuskes
Vriejwilligerswerk
In Zjwame is väöl te doon es vriejwilliger en dao kinse mich vaak vinjse, zoals biej evenemente of vereniginge, mèr auch biej SGL AC Swalmen/repair cafe/ZhvZ/Zjwaam Zjwumme en vastelaoves vereniging de Erpelkes Zjwame.
Zjwaams zjwumme
Zjwaams Zjwumme is ein geweldig jeugd evenement dèt v'r bedach höbbe. same mit Sjoez organize we dit zjwumfees/ sjoemparty/ boeksjuuve op òs zjwumbad, familiezwembad de Bosberg. Info zjwaamszjwumme@gmail.com
Zjwame hert veur Zjwame
Mit eine vrundj zien höbbe we in 2022 Zjwame hert veur Zjwame bedach, mit deze lokale actie zamele we sjpulle in om kerstpakette van te maake. Veur maake dees pakketten veur miense oet Zjwame/ Boukoul/ Asselt en Wieler, die 't in deze duure tied zjwaor höbbe en waal ein hert onger de reem verdeene. Doot 't succes van de actie en de blievende probleme , höbbe we in 2024 dèr veur gekozen om same te gaon mit angere zjwamer organisatoren die 'tzelvde doel höbbe es òs en zo gaon we meer lokale acties en individuele acties organizere. Mit dees samewerking kinne we mit Zjwame hert veur Zjwame hulp op de juuste plaats gaeve aan de juuste miense.
Wilt gèr òs helpe? Dèt kin door vrundj te waere van ZhvZ,. Vrundj van ZhvZ helt in dèt gèr eine keer per jaor €25,- of €50,- doneert, zo gaef gèr òs de meugelijkheid om òs Zjwamer mede miens te helpe.
Veur informatie kint gèr kieke op facebook Zjwame hert veur Zjwame, of Tiktok Zjwame hert veur Zjwame.
Vraoge? stuur òs ein email zjwaamszjwumme@gmail.com
De Erpelkes Zjwame
sinds 2014 zit ich in 't besjtuur van jeugd vereniging De Erpelkes Zjwame. Same mit òs besjtuur zòrge we veur 4 daag jeugd vastelaovindj in Zjwame. Mien werkzaamhede zien ' t motto, 'tregele van ozze optochtwage mit verveur, artieste, lokatie en contacte tösse Zjwamer vereniginge. 't biejhaaie van de e-mail, facebook en instagram is auch ein taak van mich en natuurlijk 't ontwerp van de advertenties, sjponsoreliest en evenemente posters.
Animaties/ Advertenties/ Posters
Veur Zjwamer instanties/ vereniginge/ ongernummers/ websites en media sites/ particuliere en de vastelaovindj, maak en ontwerp ich logo’s/ illustraties/ cartoons/ advertenties en posters. Beveurbeeld veur SGL AC Swalmen/ Repair Cafe Zjwame/ famielie zwembad de Bosberg/ zjwame aktueel (rubrieken)/ De Mert/ De Erpelkes Zjwame/ fysio moves enz. Mit de vastelaovindj bin ich drök bezig mit posters, evenemente advertenties, biejhaaie media en organisatie jeugd carnaval de Erpelkes Zjwame.
refunartzjwame.nl/ Kwatsj.
•Nuuj•
Sjaak&Sef cartoons
facebook & instagram
(Humoristische cartoons oet Zjwame)
•Sjaak&Sef verjäördigs kalender•
Gratis download 🔽
•illustraties & cartoons•
Sjaak & Sef cartoons
(aktualiteite cartoons & Zjwamer oetsjprake)
refunartzjwame.nl
(originele cartoons & illustraties)
Cartoon
(Diverse cartoon karakters)
Winskaarte
(verjäördig/trouwe en feesdaag)
Logo's
(Bedrieve/vereniginge & websites)
Vastelaovend
(Posters/advertenties)
Kwatsj
(sjticker design)
car caricatures
(Auto cartoons)
- •Decoraties•
Decoratie
(Diverse decoratie's)
I.v.m privacy,
Waere op deze site gein Perseunlijke afbeeldinge getoont.
Dit zien veurbeelde van reeds
gemaakte illustraties.
Copyright ©️funartzjwame2022.
Höb gèr vraoge of ein opmerking, sjtuur mich dan ein berichske en dan heurt gèr zo sjnel es meugelik van mich.
refunartzjwame.nl
In samewerking mit CLGI Drukwerk & Mekkiesdots
Zjwame hert veur Zjwame.
Facebook: ZjwameHertVeurZjwame
E-mail: ZjwameHertVeurZjwame@gmail.com
Zjwaams zjwumme.
Facebook: zjwaams zjwumme
E-mail: Zjwaamszjwumme@gmail.com
Gèr kint mich vinje op sociale media
Copyright ©️funartzjwame2022.